Middernag Sidney Gilroy
Middernag Sidney Gilroy
Middernag Sidney Gilroy
Middernag Sidney Gilroy

Om 'n pa te word is skrikwekkend

Bloemfonteinse speurder Sollie Mthembu en sy vrou, Nyandi, verwag hul tweede baba. Soos Naledi in haar buik groei, groei Nyandi se inkopielys dag tot dag. Terwyl Sollie planne beraam om naweekuitstappies na Mimosa Mall met sy kredietkaart te ontduik, sluip daar snags 'n psigopaat deur die strate van Harrismith wat kleuters met roomyse uit hul ouerhuise weglok en ontvoer.

Wanneer die oorskot van 'n verminkte vierjarige in 'n Tutti Fruitti-roomyskarretjie in die oggendure aan die voet van Platberg ontdek word, besluit kaptein Brummels om Parkweg se bulhond saam te sleep vir die ondersoek. Sollie lyk dalk na 'n bedeesde ou wat op die vreemdste tye oor sy eie woorde struikel, maar as hy iets beetkry, laat los hy nie.

 

Benoem vir die UJ-Debuutprys 2020

Sidney Gilroy se spanningsdebuutroman, Klikbek, is in 2019 met groot lof deur resente en krimi-lesers ontvang. Almal is dit eens dat beide skrywer en speurder Sollie Mthembu 'n groot aanwins tot die Afrikaanse krimikorpus is. Middernag is Sidney se tweede roman waarin die speurder en sy bombastiese kaptein die Vrystaat se donker onderkant oopvlek.